مقدمة خطة الإيلتس:
الإيلتس هو إمتحان تحديد مستوي للقبول في الجامعات الأجنبية أو الهجرة .. يعني مش إمتحان نجاح وسقوط
اللي عايز يقدم علي دراسة , محتاج إيلتس أكاديمي
ينفع تمتحن بالورقة والقلم
وينفع تمتحن بالكمبيوتر
إمتحان الإيلتس بيمتحن فيك 4 مهارات
الإستماع .. وده عبارة عن 40 سؤال ومدته 40 دقيقة
القراءة .. وده عبارة عن 40 سؤال ومدته 60 دقيقة
الكتابة .. وده عبارة عن سؤالين (رسم بياني ومقالة في حالة الأكاديميك) أو (خطاب ومقالة في حالة الجنرال) ومدته 60 دقيقة
المحادثة .. وده عبارة عن 3 مجموعات من الأسئلة ومدته أقل من 15 دقيقة
عشان تستعد لإمتحان الإيلتس , محتاج في الأول خالص خالص تعرف معلومتين
المعلومة الأولي: مستواك الحالي في اللغة إيه ؟
ودي ممكن تعرفها من إمتحان تحديد المستوي اللي تحت
المعلومة الثانية: محتاج تجيب درجات إيه في إمتحان الإيلتس؟
ودي بتعرفها من المكان نفسه اللي هتستخدم فيه الشهادة سواء الجامعة الأجنبية اللي عايز تدرس فيها أو البلد الأجنبية اللي عايز تهاجر لها
وماينفعش تبدأ مذاكرة وإستعداد للإيلتس إلا بعد معرفة المعلومتين مع بعض
بالتوفيق إن شاء الله
No comments:
Post a Comment