Present continuous

 مستر

في قاعده كده رخمه اسمهاا لمضارع المستمر مش قادر افهمها

The present continuous Tense

يعني ايه مضارع مستمر وايه لازمته ف الدنيا دي

طيب بص يا سيدي الموضوع سهل جدا

قبل ما اتكلم عن اي زمن لازم اعرف حاجتين مهمين جدا

انا بستخدم الزمن ده امتي .. و بيتكون من ايه ؟

طيب المضارع المستمر بستخدمه لما اكون بعمل حاجه ومازلت مستمر فيها لسه مخلصتهاش يعني حتي واضح من اسمه مضارع مستمر

طيب بيتكون من ايه ده

اول حاجه بجيب الاسم او ( الفاعل يعني)

لو مفرد هياخد is و لو جمع هياخد are وبعد كده الفعل واحط ف اخر الفعل ing

عارف ال ing دي هي اللي بتوضحلي ان الفعل اللي انت بتعمله لسه مستمر

لا لا ايه الكلام ده مش فاهم يا مستر

الحصه قلبت نحو ليه كده

طيب اصبر بس و انت هتفهم تعالي نشوف الأمثله دي

Ahmed is playing football now

يعني احمد بيلعب كره قدم دلوقتي

شايف ing معناها ان احمد لسه بيلعب ومخلصش لعب

They are drinking juice

هم بيشربوا عصير ولسه مستمرين في الشرب مخلصوش يعني

I'm eating fish

انا باكل سمك و لسه باكل مخلصتش ( مستمر ف الاكل)

بس يا سيدي

عارف بقه لو عاوز انفي المضارع المستمر ده

هحط not بعد

am / is / are

He isnot playing football

هو مش بيلعب كره

I'm not eating fish

انا مش باكل سمك

They are not drinkin juice

هم مش بيشربوا عصير

خد بالك ان

Is not = isn't

are not = aren't

am not = am not

يبيقي بيتكون من

الفاعل +( am / is / are ) + الفعل + ing

طيب لو عاوز اسأل هل هو بيلعب كره قدم دلوقتي

كل اللي هتعمله بدل ما الجمله

He is playing football now

هات is قبل He

Is he playing football now?

Yes, he is

No, he isn't

Am / Is / Are في السؤال بيكون معناهم هل

اخر حاجه في شويه كلمات داله ع الزمن يعني بيجبهالك علشان يقولك خد بالك الجمله دي في زمن المضارع المستمر يعني بيقولك حط للفعل ing الكلمات دي زي

Now / at the moment /look / listen /

at the present